താരാട്ടുപാടിയുറക്കീടാമമ്മ
താമരക്കണ്ണാ ഉറങ്ങൂ നീ വേഗം
വാവയ്ക്ക് കൂട്ടിന്നായ് കുഞ്ഞിക്കിളികള്‍
വാനില്‍ നിന്നും പറന്നെത്തിടുമിപ്പോള്‍
മുത്തിന്റെ പാല്‍ക്കഞ്ഞി കട്ടുകുടിക്കാന്‍
മുറ്റത്ത്‌ പൂച്ചമ്മ പമ്മിയിരിപ്പൂ
വാലാട്ടി നില്‍ക്കുന്ന നായുടെ മുന്നില്‍
വാലും ചുരുട്ടിയിരിപ്പുണ്ട് പൂച്ചമ്മ
പത്തിരി പോലുള്ള അമ്പിളിമാമനെ
പട്ടുനൂലില്‍ കോര്‍ത്ത്‌ പട്ടം പറത്തണ്ടേ?
സൂര്യനില്ലാത്തപ്പോള്‍ തെളിയുന്ന മാമന്‍
സൂര്യനെ കാണുമ്പോള്‍ ഓടിയൊളിക്കും
വാനിലെ താരകക്കൂട്ടങ്ങളെല്ലാം
വാവയെ നോക്കി കണ്ണിറുക്കുന്നു
താരങ്ങളെ കോര്‍ത്ത്‌ മാലയുണ്ടാക്കി
താമരക്കണ്ണനെ ചാര്‍ത്തിടാമമ്മ
താമരക്കണ്ണാ ഉറങ്ങൂ നീ വേഗം
വാവയ്ക്ക് കൂട്ടിന്നായ് കുഞ്ഞിക്കിളികള്‍
വാനില്‍ നിന്നും പറന്നെത്തിടുമിപ്പോള്‍
രാരീരം രാരീരം രാരീരം രാരോ
രാരീരം രാരീരം രാരീരം രാരോ
മുത്തിന്റെ പാല്‍ക്കഞ്ഞി കട്ടുകുടിക്കാന്‍
മുറ്റത്ത്‌ പൂച്ചമ്മ പമ്മിയിരിപ്പൂ
വാലാട്ടി നില്‍ക്കുന്ന നായുടെ മുന്നില്‍
വാലും ചുരുട്ടിയിരിപ്പുണ്ട് പൂച്ചമ്മ
രാരീരം രാരീരം രാരീരം രാരോ
രാരീരം രാരീരം രാരീരം രാരോ
പത്തിരി പോലുള്ള അമ്പിളിമാമനെ
പട്ടുനൂലില്‍ കോര്‍ത്ത്‌ പട്ടം പറത്തണ്ടേ?
സൂര്യനില്ലാത്തപ്പോള്‍ തെളിയുന്ന മാമന്‍
സൂര്യനെ കാണുമ്പോള്‍ ഓടിയൊളിക്കും
രാരീരം രാരീരം രാരീരം രാരോ
രാരീരം രാരീരം രാരീരം രാരോ
വാനിലെ താരകക്കൂട്ടങ്ങളെല്ലാം
വാവയെ നോക്കി കണ്ണിറുക്കുന്നു
താരങ്ങളെ കോര്‍ത്ത്‌ മാലയുണ്ടാക്കി
താമരക്കണ്ണനെ ചാര്‍ത്തിടാമമ്മ
രാരീരം രാരീരം രാരീരം രാരോ
രാരീരം രാരീരം രാരീരം രാരോ
***
പോള്‍സണ്‍ പാവറട്ടി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ