പൊന്നും പെണ്ണും

ഉണ്ണുവാനില്ലേലും ഉടുക്കുവാനില്ലേലും
മലയാളിപ്പെണ്ണിനു പൊന്നുവേണം  
വീടും പറമ്പും വിറ്റുതുലച്ചാലും
പത്തരമാറ്റുള്ള  പൊന്നുവേണം

കുഞ്ഞിനു നല്‍കുവാന്‍ മുലപ്പാലില്ലേലും
പൊന്നു നിര്‍ബന്ധമായ് അണിയിക്കേണം
തൊണ്ണൂറു പിന്നിട്ട മുത്തശ്ശിയാണേലും
ശ്വാസം നിലക്കോളം പൊന്നണിഞ്ഞീടണം

മോഷണമെന്തെന്നറിയാത്ത മക്കള്‍ക്ക്‌
മോഷ്ടിക്കാനെന്തിന്നു പ്രേരണ നല്‍കണം?
പൊന്നിന്റെ പേരില്‍ വീട്ടിലുള്ളോര്‍ തമ്മില്‍
തല്ലും വഴക്കും എന്തിനുണ്ടാക്കണം?

പെണ്ണുകെട്ടീടുന്ന ആണുങ്ങളെന്തിന്ന്
പെണ്ണിനോടൊപ്പം പൊന്നു ചോദിക്കണം?
കെട്ടുന്ന പെണ്ണിനോ കിട്ടുന്ന പൊന്നിനോ
മൂല്യം കാണുന്നതെന്നു ചൊല്ലീടണം

പൊന്നു ചോദിച്ച് പെണ്ണുതേടുന്നോരെ
ആട്ടിയിറക്കിടാന്‍ ആണത്തം കാട്ടണം
പൊന്നല്ല വന്‍ധനമെന്നുള്ള യാഥാര്‍ത്ഥ്യം
മാലോകര്‍ മുന്നില്‍ കാട്ടിക്കൊടുക്കണം

പോള്‍സണ്‍ പാവറട്ടി