നീ എല്ലാം തികഞ്ഞവനോ?

സ്വന്തം മുഖത്തിന്റെ വൈരൂപ്യം കാണാതെ
അപരന്റെ വൈരൂപ്യം കാണുന്ന കൂട്ടരേ
കണ്ണാടിയില്‍ തന്റെ മുഖമാദ്യം കാണുകില്‍
അപരന്റെ "ദുര്‍മുഖം" കാണില്ലൊരിക്കലും

സ്വന്തമായ് ഒന്നുമേ ചെയ്യാന്‍ കഴിയാത്തോന്‍
അപരനെ കുറ്റം വിധിക്കുവതെന്തിന്
"SOME THING IS BETTER THAN NOTHING" ഈ ചൊല്ല്
കേട്ടിട്ടില്ലേല്‍ ഇപ്പോള്‍ കേട്ടുപഠിച്ചോളൂ   

വിമര്‍ശനം ചെയ്യുവാനേവര്‍ക്കും സ്വാതന്ത്ര്യം
ഉണ്ടെന്ന വസ്തുത സമ്മതിച്ചീടിലും
നിന്ദ ചൊരിയലും പരിഹസിച്ചീടലും
വിമര്‍ശനമാകുവതെങ്ങനെ കൂട്ടരേ?

ഒരുവനില്‍ നിരവധി തിന്മയുണ്ടായേക്കാം   
അവനിലും നന്മതന്‍ മുകുളങ്ങള്‍ കണ്ടേക്കാം
തിന്മയെ പഴിക്കുന്ന നാക്കുകൊണ്ടുതന്നെ  
നന്മയെ കീര്‍ത്തിക്കാന്‍ വിമുഖതയെന്തിന്?

പെരുമീന്‍ കാണുമ്പോള്‍ കണ്ണടച്ചീടുന്ന
പൊന്മയെപ്പോലെ നടിക്കുന്ന കൂട്ടരേ
നാടിന്റെ പൊതുമുതല്‍ കട്ടുമുടിപ്പിക്കും
"ബഹുമാന്യരെ" നിങ്ങള്‍ കാണുന്നുവോ?

***

പോള്‍സണ്‍ പാവറട്ടി